Енді қауіпті дерттің шырмауында қалып, тынысы тарылып жатқан азаматтарға жасанды дем беретін аппараттың көмегінсіз-ақ айығып шығуға мүмкіндік туды. Зерттеулер нәтижесіне сәйкес, коронавируспен ауыратын елу науқастың біреуі ғана гелий-оттегі қоспасымен дем алғаннан кейін жасанды желдетуді қажет етті. Бұл туралы Ресейдің иммунологтар ғылыми қоғамының президенті, Ресей ғылым академиясы Орал филиалының иммунология және физиология институтының ғылыми директоры Валерий Черешнев мәлімдеді.
Пневмонияның асқынып, тыныс алу беті күрт төмендегенде, 90-95 градусқа дейін қыздырылған гелий-оттегі қоспасының әсері жасанды желдетуден едәуір асып түседі. Осы жүйе Комидегі республикалық аурухананың базасында 50 адамға сынақ ретінде қолданылыпты. Нәтижесінде, 50-дің ішінен тек 1 адамды ғана жасанды тыныс беретін аппаратқа қайта қосқан. Сөйтіп Сыктывкардағы республикалық ауруханада ұстау тәжірибесі оң нәтиже берді.
Дәрігерлердің айтуынша микробиологтер бастапқыда осындай ингаляция кезінде қолданылған қондырғыларды жетілдіріп, дем шығаратын ауаның бөлек жүйелерін жасауға шешім қабылдады. Қазір оны жаппай өндіріске жіберу жағы қарастырылып жатыр.
